تكنولوجيا تأكيد الهوية

أكيد سمعت عن تأكيد الهوية بخطوتين -، واللي ليها أشكال كتير زي انك تدخل الباسورد ويتبعتلك كود في رسالة أو يتبعتلك كود من ابلكيشن أو كمان انك توصل فلاشة يو تي اف عليها زي كود سري بيأكد هويتك.. بس تخيل الماج بتاعك يبقى هو الخطوة التانية اللي بتأكد بيها هويتك بعد باسوردك ؟

طوّر مجموعة باحثين في جامعة فلوريدا الدولية بالتعاون مع وكالة بلومبيرج الاخبارية تقنية اسمها بيكسي، كل فكرتها انها بتصور أي عنصر المستخدم بيختاره وبتحلل تفاصيلها وتركيبها من خلال خوارزميات لتحليل الصور ، بحيث انها تلقط شكله وتفهمه كويس بغض النظر عن طبيعة الاضاءة اللي متصور فيها، بحيث لما المستخدم يجي يفتح اكونته على أي ابلكيشن ويدخل باسورده، الابلكيشن يطلب منه انه يدخل الخطوة التانية، فيفتح الكاميرا ويصور نفس العنصر فالأبلكيشن يتأكد ان المستخدم فعلا هو صاحب الاكونت، فيدخله ;)

الفكرة بتفتح الباب قدام المستخدم انه يختار الخطوة التانية بعد باسورده يبقى ايه بحيث تبقى حاجة شخصية أكتر فمش يبقى سهل تتعرف أو تتسرق زي كود ع الموبايل أو مثل بصمة العين أو بصمة الصباع ;) وكمان يبقى سهل تغييرها بسرعة ودقة عالية!

والفريق حاول انه يضحك على السيستم ده 14.2 مليون محاولة، نسبة النجاح فيهم كان 0.09% !!

الفريق أكد ان الموضوع لسا قدامه مشوار طويلة عشان يتم الاعتراف بيه وتسويقه بإنه وسيلة أمنية جاهزة أي أبلكيشن أو خدمة تستخدمه كطريقة آمنة لتسجيل دخول المستخدمين للخدمات أ, التطبيقات، وهيستخدموا الفترة الجاية الشبكات العصبية وأنظمة التعلم العميق عشان نظام التعرف على الصور وتحليلها يبقى أدق وأسرع

#تاكيد #الهوية #تكنولوجيا #امان #تجسس #اختراق